செய்திப்பார்வை

பால் சமத்துவ போராட்டங்கள் வெறும் பித்தலாட்டமே தவிர வேறில்லை!

செய்திப்பார்வை 13 மார்ச் 2016

சில தினங்களுக்கு முன் உலகெங்கிலும் சர்வதேச மகளிர் தினம் அனுஷ்டிக்கப்பட்டதை நாம் அறிவோம். ஐக்கிய நாடுகள் சபை “சமத்துவத்திற்காக உறுதிமொழி பூணுவோம்” என்ற கருப்பொருளில் இவ்வருடத்திற்கான சர்வதேச மகளிர் தினத்தை கடந்த மார்ச் 8ம் திகதி ஏற்பாடு செய்திருந்தது. அந்த நிகழ்ச்சியில், நடைமுறை ரீதியிலான காத்திரமான  செயற்பாடுகளின் மூலமாக சமூக மட்டத்தில் பால் சமத்துவத்தை உறுதிப்படுத்தும் செயற்பாடுகளை அதிகரிக்கும்படி தனது ஆதரவாளர்களை அது வேண்டி நின்றது. இந்நிகழ்வு, ஐ. நா வின் “2030 இல் 50:50 உலகம்: பால் சமத்துவத்திற்காக களமிறங்குவோம்” என்ற சர்வதேச வேலைத்திட்டத்தின் ஓர் அங்கமாகும். இந்த வேலைத்திட்டம் பிரதானமாக பால் சமத்துவத்திற்கான கொள்கைகளை தத்தமது நாடுகளில் அமூல்படுத்துவதற்கான சர்வதேச அரசுகளின் அர்ப்பணிப்பை புதுப்பித்துக் கொள்வதை நோக்கமாகக் கொண்டது.

 

இவ்வாறு உயர்ந்த இலக்குகளும், நோக்கங்களும் கொண்டு இயங்குவதாகத் தென்படும் இந்த பால் சமத்துவ நிகழ்ச்சி நிரலின் உண்மை நிலை என்ன என்பதை நாம் உணர்ந்திருத்தல் அவசியமாகும். இந்த பால் சமத்துவம் என்ற கோரிக்கை மேற்குலக சடவாத வாழ்வொழுங்கின் அடக்குமுறையால் ஒடுக்கப்பட்ட பெண்ணினத்தை உய்விக்கும் மருந்தாக நம்பப்பட்டு, பின்னர் பெண்ணுரிமைப் போராட்டத்தின் போதைப் பொருளாக மாறிப்போன ஒரு மேற்குலக கோட்பாடு என்பதை நாம் முதலில் புரிந்து கொள்ள வேண்டும்.  ஆண்களுக்கு நிகரான சமத்துவத்தை, சமூக வகிபாகத்தை பெண்களும் பெற்றுக்கொள்வதன் ஊடாக பெண் சமூகத்தின் கண்ணியமும், வாழ்க்கைத் தரமும் மேன்மை பெறும் என்ற போலியான ஒரு கற்பனையில் பலனற்ற போராட்டங்களில் பெண்களை பல சதாப்தங்களாக அலையவிட்ட பெருமைதான் இந்த கோட்பாட்டிற்கு இருக்கிறது.

 

ஓர் நூற்றாண்டு காலத்தைத் தாண்டுகின்ற, மேற்குலகிலும், உலகம் பூராகவும் இடம்பெறுகின்ற பால் சமத்துவத்திற்கான போராட்டங்களினால் அல்லது சர்வதேச பட்டயங்கள் பலவற்றில், பால் சமத்துவம் வலியுறுத்தப்பட்டிருப்பதினால், அல்லது மேற்கிலிருந்து கிழக்கு வரை உலகின் பல்வேறு தேசங்களில் அரசியலமைப்புக்களின் ஊடான உத்தரவாதங்கள் அதற்காக வழங்கப்பட்டிருப்பதினால், உலகில் மில்லியன் கணக்கான பெண்கள் வன்முறையாலும், துஸ்பிரயோகங்களினாலும், வறுமையாலும், கல்வியின்மையாலும், சுகாதார வசதியின்மையாலும்  கொடுங்கோல் ஆட்சியாளர்களாலும் வாடி வதங்குவதை தடுத்து நிறுத்த முடியவில்லை. சர்வதேச மற்றும் தேசிய சட்டங்களில் வலியுறுத்தப்பட்டுள்ள பால் சமத்துவத்தைக் கொண்டு உலகில் ஒவ்வொரு 3 பெண்களிலும் 1 பெண் வன்முறையால் பாதிக்கப்படுவதையோ அல்லது அமெரிக்காவில் மாத்திரம் ஒவ்வொரு நாளும் 3 பெண்கள் தனது துணைவரினால் அல்லது முன்னாள் துணைவரினால் கொடூரமாகக் கொல்லப்படுவதையோ அல்லது ஐரோப்பாவில் ஒவ்வொரு 10 பெண்களில் 1 பெண் பாலியல் வன்முறைக்கு உட்படுத்தப்படுவதையோ கட்டுப்படுத்த முடியவில்லை.

 

மேற்குலக காலணித்துவ யுத்தங்களினால் ஈராக்கிலும், ஆப்கானிஸ்தானிலும் பல இலட்சம் முஸ்லிம் பெண்கள் காவு கொள்ளப்பட்ட வேளையில் அல்லது சிரியாவில் இலட்சக்கணக்கான சகோதரிகள் கொடுங்கோலன் பஷாரால்  பலியாக்கப்பட்டு வரும் வேளையில் இந்த பால் சமத்துவ ஏற்பாடுகளினால் பலன் ஏதும் கிட்டவில்லை. மேலும் இந்த முரண்பாடுகளினால் அகதிகளாக்கப்பட்ட மில்லியன் கணக்கான பெண்களுக்கு அடைக்களத்தை அவை வழங்கவில்லை.  அவற்றால் மத்திய ஆப்பிரிக்க பெண்களையோ, மியன்மார்; பெண்களையோ மனிதப்படுகொலையிலிருந்து காக்க முடியவில்லை. அல்லது அவர்கள் இந்த நரவெறியாட்டத்திலிருந்து தப்பிக்கும் முயற்சியில் நடுக்கடலில் மூழ்கி தத்தளித்தபோது உதவிக்கரத்தை அவை நீட்டவில்லை. கத்தியால் குத்த வருகிறார்கள் என்று சாட்டுச் சொல்லி, பலஸ்தீன யுவதிகளை காவலரண்களில் அருகே வைத்து யூத சியோனிச சிப்பாய்கள் ஒவ்வொருவராய் சுட்டு வீழ்த்தியபோது கவசமாக அவை முன்வந்து நிற்கவில்லை. மத்திய ஆசியா கொடுங்கோல் அரசுகளும்;, சீனாவின் கம்யூனிச அரசும் முஸ்லிம் பெண்களின் இஸ்லாமிய ஆடைகளை களைந்து, அவர்களை பலவந்தமாக கருத்தடை செய்து அல்லது கருக்களைப்பு செய்து வரும்போது அவர்களை மீட்டெடுக்க இவற்றால் முடியவில்லை. இன்னும் சொல்லப்போனால் உலகெங்கும் உணவு, குடிநீர், சுகாதார வசதி, வைத்திய வசதி மற்றும் கல்வி வாய்ப்பின்றி தவிக்கும் சுமார் 700 மில்லியன் பெண்களுக்கும், பாடசாலைக்குச் செல்ல முடியாத நிலையிலுள்ள சுமார் 85 மில்லியன் சிறுமிகளின் வாழ்வுக்கு ஒளிர்வூட்டவும் இந்த பால் சமத்துவ வியூகங்களால் முடியவில்லை.

 

எனவே பால் சமத்துவத்திற்கான போராட்டங்களினாலோ, வேலைத்திட்டங்களினாலோ அவலங்களுக்கு உள்ளாக்கப்படும் சாதாரணப் பெண்களின் வாழ்வில் எத்தகைய மாற்றங்களும் ஏற்படவில்லை என்பதே உண்மையாகும். இதற்கு பிரதான காரணம் உண்மையில் பெண்கள் எதிர்நோக்கும் பிரச்சனைகளுக்கான முக்கிய காரணமாக பால் சமத்துவமின்மை என்ற பிழையான எடுகோளின் அடிப்படையில் அப்பிரச்சனைகள் அணுகப்படுவதாகும். ஆணுக்கு நிகர் பெண் என்ற வாதம் யதார்த்தத்திற்கு முரணானதும், அவரவருக்குரிய சரியான வகிபாகத்தை வழங்க மறுப்பதுமாகும். உண்மையில் பெண்கள் எதிர்நோக்கும் பிரச்சனைகளுக்கான அடிப்படைக் காரணம் இன்று உலகில் நடைமுறையிலுள்ள முதலாளித்துவ, தாராண்மைவாத, தேசியவாத கோட்பாடுகளும், அவற்றின் மீது கட்டமைக்கப்பட்ட மனிதன் வகுத்த அரசுகளும், வாழ்வொழுங்குகளுமாகும் என்பதை பால் சமந்துவ போராளிகள் உணர்ந்து கொள்ள வேண்டும்.

 

தாராண்மைவாத சுதந்திரத்தின் பெயரால் பெண்களை இலாப நோக்கத்திற்காக மோகப்பொருளாகவும், காம களியாட்ட கருவியாகவும் பயன்படுத்தும் முதலாளித்துவ அரசுகள் எவ்வாறு பெண்களின் கண்ணியம் காக்கப்போகிறது? ஏழையை விட செல்வந்தனை கட்டி அரவணைத்துப் பாதுகாக்கும் முதலாளித்துவ முறைமையின் கீழ் எவ்வாறு பெண்களின் பொருளாதார உரிமைகள் வழங்கப்படப்போகிறது? பயங்கரவாதம் என்ற முகத்திரையை பயன்படுத்தி எத்தகைய அரசியல் மாற்றுக் கருத்துக்களையும் அடக்கியாளும் சர்வாதிகார அரசுகளின் கீழ் வாழ்ந்து வரும் பெண்களுக்கு பால் சமத்துவப்போராட்டங்கள் எவ்வாறு அரசியல் வலுவூட்டல் செய்யப்போகிறது?

 

எனவே உண்மையில் முஸ்லிம் நாடுகளிலுள்ள பெண்களின் வாழ்வு மேன்பட வேண்டுமானால் அதற்கு ஒரு பொறிமுறையுள்ள அடிப்படை மாற்றம் அவசியமாகும். அதற்கு தனது பெண்களின் கண்ணியம் காப்பதை தனது முழு முதற்கடமையாகக் கொள்ளக்கூடிய கிலாஃபா ராஸிதா நபி(ஸல்) வழிமுறையில் முஸ்லிம் உலகில் நிலைநாட்டப்பட வேண்டும். இந்த கிலாஃபா முறைமை பெண்களில் உரிமைகளை தூய்மையாகக் காத்த, அதன் கீழ் வாழ்ந்த ஒவ்வொரு குடிமகனினதும் வாழ்வாதாரத்தை தனது நீதியான பொருளாதார ஒழுங்கினூடாக உறுதிப்படுத்திய புகழ்பெற்ற வரலாறைக் கொண்டது. எனவே யார் யாரெல்லாம் பெண்களின் நல்வாழ்வை இலக்காகக் கொண்டு இயங்குகிறார்களோ, பெண்களுக்கு எதிரான அநீதிகளுக்கு ஒரு முடிவு கிட்ட வேண்டும் என்று உண்மையாகவே விருப்புகிறார்களோ அவர்கள் அனைவரும் மீண்டும் இப்புவியில் கிலாஃபா ராஷிதாவை நிலைநாட்டுவதற்கு ஒத்துழைப்பதே ஒரே வழியாகும். மாறாக பால் சமந்துவம் என்ற இந்த பித்தலாட்டத்தில் தமது காலத்தை கழிப்பது இறுதியில் பெருத்த ஏமாற்றத்தையே தரும் என்பதே நிதர்சனமாகும்.

 

ஈரான் - மத்திய கிழக்கில் அமெரிக்காவின் முக்கிய முகவர்

செய்திப்பார்வை 13 ஜனவரி 2016

நவம்பர் 23, 2012 ஜெனீவாவில் அமெரிக்காவுக்கும் - ஈரானுக்கும் இடையில் ஒரு ஒப்பந்தம் நடக்கிறது. இரு நாடுகளும் தமது உறவுகளை சுமூகப்படுத்திக்கொள்கின்றனர். இந்த ஒப்பந்தம் இருதரப்புக்குமிடையான


அனைத்து பிரச்சனைகளையும் உடனே தீர்க்கும் வண்ணம் அமையாவிட்டாலும் அதற்கான முதற்படியாக கருதப்பட்டது. £7 பில்லியன் பெறுமதியான பொருளாதாரத் தடைத்தளர்வு ஈரானுக்கு வழங்கப்படுகிறது. ஈரான் அணுச் செறிவூட்டும் நடவடிக்கைகளை அடுத்த 6 மாதங்களுக்கு முடக்கி வைக்கிறது. முன்னைநாள் பேச்சுக்களைப் போலல்லாது இம்முறை பேச்சுக்கள் வித்தியாசமான சூழலில் இடம்பெறுகிறது. முன்னைய காலங்களில் அமெரிக்கா ஈரானுடனான பேச்சுக்களை P5+1(அமெரிக்கா, ரஸ்யா, பிரித்தானியா, பிரான்ஸ், சீனா மற்றும் ஜேர்மனி) என்ற கூட்டணியின் கையில் விட்டுவைத்திருந்தது. ஆனால் இம்முறை 1979ஆம் ஆண்டுக்கு பின்னர் முதன் முதலாக அமெரிக்கா தனது அதியுச்ச அதிகாரிகளைக்கொண்டு நேரடியாகப் பேச்சுக்களில் குதித்தது. வழமைபோல் பேச்சுக்களை கைவிடும் மனோபாவத்துடன் அமெரிக்கா இப்பேச்சுக்களை அணுகாமல் உண்மையில் ஒரு தீர்வு எட்டப்பட வேண்டும் என்ற தன்னார்வத்துடன் செயற்பட்டது. இந்தப்பேச்சுக்களை தொடர்ந்து செப்டெம்பர் 2013இல் அப்போது புதிதாக பதவியேற்றிருந்த ஈரானிய ஜனாதிபதி ஹஸன் ரூஹானி தனது முதலாவது ஐக்கிய நாடுகள் பொதுச்சபை பங்கேற்புக்காக அமெரிக்காவுக்கு பயணமாகிறார். இரு நாடுகளுக்கிடையிலான தேன்நிலவுப் பயணத்திற்கு பாதை திறக்கப்படுகிறது.

 
 

சவூதி அரேபியா குறித்து நீங்கள் அறியவேண்டிய 10 குறிப்புக்கள்

செய்திப்பார்வை 10 ஜனவரி 2016

 

 

ஒரு வாரத்திற்கு முன் சவூதியின் உள்துறை அமைச்சு தக்பீரி (Takfiree) சிந்தனையைக் கொண்டிருந்தார்கள், தீவிரவாத இயக்கங்களில் இணைந்திருந்தார்கள், சட்டவிரோத சதிவேலைகளில்


ஈடுபட்டிருந்தார்கள் என்ற பல்வேறு குற்றச்சாட்டின் பேரில் சுமார் 47 பேருக்கு மரண தண்டனையை நிறைவேற்றியதை உறுதிப்படுத்தியிருந்தது. அவர்களின் தண்டனைகள் 12 வேறுபட்ட நகரங்களில் நிறைவேற்றப்பட்டன. இவ்வாறு தண்டனை நிறைவேற்றப்பட்டவர்களில் அல்கையிதாவுடன் இணைந்து 2003-2004 காலப்பகுதியில் சவூதிக்குள் தாக்குதல்களை தொடுத்ததாக குற்றம் சாட்டப்பட்ட சுன்னி முஸ்லிம்களும் அடங்குவர்.

தண்டனை நிறைவேற்றப்பட்டவர்களில் ஷிஆ அறிஞர் ஷேய்ஹ் நிம்ர் அல் நிம்ர் அவர்களும், வெளிநாட்டவர்களான எகிப்த்தியர் ஒருவரும், சாட் நாட்டவர் ஒருவரும் அடங்குவர். நிறைவேற்றப்பட்ட இந்த மரண தண்டனைகள் கடுமையான சர்வதேச விசனத்தை ஏற்படுத்தியுள்ளதுடன் ஷிஆ-சுன்னி குறுங்குழு முரண்பாட்டின் இன்னுமொரு மோதலாகப் பார்க்கப்படுகின்றது. ஏற்கனவே பிராந்தியத்தில் வளர்ந்து வந்த ஷிஆ-சுன்னி முறுகல் நிலை இச்சம்பவத்தால் மேலும் கொந்தளிப்பை அடைந்துள்ளது. இந்த பின்னணியை மனதில் கொண்டு இத்தண்டனைகள் ஏற்படுத்தியுள்ள புதிய களநிலை குறித்தும் பொதுவாக சவூதி அரேபியா குறித்தும் மிக முக்கிய 10 புரிதல்களை சுருக்கமாக கிழே விபரிக்கிறேன்.

1. சவூதி அரேபியா தன்னை ஒரு இஸ்லாமிய நாடாகவும், ஷரீஆவை அமூல்படுத்தி வரும் நாடாகவும், முஸ்லிம் உம்மத்தை பிரதிநிதித்துவப்படுத்தும் ஒரு நாடாகவும் நீண்டகாலமாக காட்சிப்படுத்துவதில் கடுமையான பிரயத்தனங்களை மேற்கொண்டு வருகிறது. இந்த அடையாளக் காட்சிப்படுத்தலை அரங்கேற்றுவதற்கு அது பயன்படுத்தி வரும் மிக முக்கிய கருவிதான் இஸ்லாமிய குற்றவியல் சட்டங்களில் சிலவற்றை நடைமுறைப்படுவதாகும். சவூதி அரேபியா இப்னு சவூதின் வம்சாவழி ஆட்சியைத் தக்கவைக்க பாடுபடும் வெறும் மன்னராட்சி மட்டுமே என்றிருந்தாலும்கூட அது உருவாக்கம் பெற்ற நாள் முதல் தனது போலியை மறைப்பதற்கு இஸ்லாமிய போர்வையை போர்த்திக் கொண்டது என்பதே உண்மை. எனவே மன்னராட்சியை தக்கவைப்பதே அதன் முழு முதல் இலக்கு. ஏனைய அனைத்தும் அதற்கான அலங்காரங்கள் மட்டுமே. அதனால்தான் எதிர்க்கருத்துக்கள் அங்கே அனுசரிக்கப்படுவதில்லை. சொல்லப்போனால் சவூதி அரேபியாயை ஒரு சர்வாதிகார மன்னராட்சி என்றே அழைக்கலாம்.

2. சவூதியைப்பொருத்தவரையில் அது தனது பல்வேறு இலக்குகளை அடைந்து கொள்வதற்கு இஸ்லாத்தை வசதியாகப் பயன்படுத்துகிறது. உலகில் பல பாகங்களில் மஸ்ஜித்களை நிர்மாணிப்பது போன்ற செயல்களில் ஈடுபட்டு தனக்கு இஸ்லாமியச் சாயத்தைப் பூசிக் கொள்ளும் சவூதி, இஸ்லாத்தின் வாழ்வா-சாவா போராட்டங்கள், நெருக்கடிகள் என்று வருகின்றபோது நேர் எதிரான திசையில் பயணிப்பதை எவரும் அவதானிக்கலாம். தன்னை ஒரு இஸ்லாமிய தேசமாகக்கோரும் சவூதி, இதுவரையில் குறைந்தது ஒடுக்கப்பட்ட ஒரு முஸ்லிம் சமூகத்திற்காகவேனும் உண்மையாக உதவி அவர்களின் விடுதலைக்காக உழைத்தது கிடையாது. சியோனிச இஸ்ரேலின் விவகாரமாகட்டும், ஈராக் ஆக்கிரமிப்பாகட்டும், சோவித் ஆப்கானிய ஆக்கிரமிப்பாகட்டும், மேற்குலகின் தேவையை பூர்த்தி செய்யும் நிலஎண்ணெய் உற்பத்தி பராமரிப்பாகட்டும் இவை அனைத்திலும் மேற்குலகுக்கு சேவகம் செய்வதையே தனது குறிக்கோளாக் கொண்டு சவூதி இயங்கியிருக்கின்றது. மேலும் சில முஸ்லிம் உம்மத்தின் முக்கிய விவகாரங்களிலும், அது சந்தித்த மிக நெருக்கடியான சந்தர்ப்பங்களிலும் அவையெல்லாம் ஏதோ இஸ்லாத்தின் கடப்பாட்டுடன் சம்பந்தப்படாத விடயங்கள் மாதிரி கணித்து தனது தேசிய நலனை மாத்திரம் கருத்திற் கொண்டு தன் கண்களை இறுக மூடியபடியே சவூதி செயற்பட்டு வருகின்றது.

பலஸ்தீனப்பிரச்சனை, ரொஹிங்கா முஸ்லிம்களின் அவலம், சிரியாவின் கொடூர யுத்தம் போன்றவற்றினால் சொல்லொண்ணா துயரத்தில் கதறும் முஸ்லிம்களை மீட்கும் ஆளுமை சவூதிக்கு இருந்தாலும் அதனை தனது கடமையாக ஒரு கணமும் சவூதி கருதியது கிடையாது. எனினும் தனது எல்லை என்று வருகின்றபோது, தனது தேசிய நலன் என்று வருகின்றபோது யெமனிலும், பஹ்ரேனிலும் களத்தில் நேரடியாக குதிப்பதற்கு சவூதி ஒரு கணமும் தாமதிக்கவில்லை. இத்தகைய உதாரணங்கள் ஏனைய நாடுகளைப்போன்று சவூதியும் வெறும் தேசியவாத நாடே என்பதற்கு சான்றாகும்.

3. சவூதி அரேபியா, உலகளாவிய முஸ்லிம்கள் மத்தியில் தனது நியாயாதிக்கத்தை நிலை நிறுத்துவதற்காக தன்னை சுன்னி முஸ்லிம்கள் மீது ஷிஆக் கொள்கையைத் திணிக்க எத்தணிக்கும் ஈரானின் சதிமுயற்சிக்கு எதிராக போராடும் முக்கிய போராளியாக காட்ட முற்படுகிறது. குண்டுவெடிப்புக்கள், கிளர்ச்சிகள் என எது இடம்பெற்றாலும் அவற்றை ஈரானியச் சதி என்றே அது காட்சிப்படுத்துகிறது. ஈரானும், சவூதியும் பிராந்தியத்தில் தமது மேலாதிக்கத்தை நிறுவதற்காக இஸ்லாத்தை ஒரு முக்கிய கருவியாக பயன்படுத்தி களங்கப்படுத்துகின்றனவே தவிர அவர்கள் முழுக்க முழுக்க தேசிய நலன்களை குறிக்கோளாக் கொண்டவர்களே. உதாரணமாக அரபு வசந்தம் பஹ்ரேனில் வீசத்தொடங்க சவூதி நேரடியாக தனது இராணுவச் சப்பாத்துக்களை அங்கே பதித்தது. பெரும்பான்மையான ஷியாக்களைக்கொண்ட பஹ்ரேனில் சிறுபான்மை சுன்னி முடியாட்சி நிலைநாட்டிய ஒடுக்குமுறைகளுக்கு எதிராக வீதிக்கு வந்த மக்களின் போராட்டமாக அதனை சவூதி ஒரு வினாடியும் அணுக முற்படவில்லை. மாறாக ஈரானின் சதி என்ற ஒற்றைச் சொல்லுக்குள் அனைத்தையும் அடக்கி, நேரடியாக களமிறங்கி, தனது தேசிய, இராஜ தந்திர நலனை அது முதன்மைப்படுத்திமை அதன் தேசியவாத யதார்த்தத்திற்கு சிறந்த சான்றாகும்.

4. சவூதியின் வெளிநாட்டுக்கொள்கை அதன் எஜமானர்களான மேற்குலகின் நலன் தழுவியது. அது மேற்குலக வெளிநாட்டுக்கொள்கைக்கு அடிபணிந்தது. சவூதி அரேபியா மேற்கின் முன்னெடுப்புகள் அனைத்துக்கும், அது ஏனைய முஸ்லிம் நாடுகளுக்கு முற்றிலும் எதிரானதாக இருந்தபோதிலும், அதற்கு முழுமையாக ஆதரவளித்து வருகிறது. அது பலஸ்தீனத்தின் மீதான யூத சியோனிச ஆக்கிரமிப்பை ஏற்றுக்கொண்டதுடன் மாத்திரமல்லாமல் அதனை சுமூக நிலைப்படுத்துவதற்காக இஸ்ரேலுக்கும் அதனைச்சூழவுள்ள நாடுகளுக்குமிடையே பேச்சுக்களை முன்னின்று நடத்தியது. சவூதியின் வெளிநாட்டுக்கொள்கைளை சாராம்சப்படுத்தினால் அது வரலாற்று ரீதியாக பிரித்தானியாவின் நேரடி முகவராக தொழிற்பட்டதுடன் சில சதாப்தங்களாக அமெரிக்க வெளிநாட்டுக்கொள்கைக்கும் - பிரித்தானியாவுக்குமிடையே சிக்குண்டிருந்து, தற்போது ஒப்பீட்டளவில் அமெரிக்க சார்பு முகவராக முன்னின்று தொழிற்பட்டு வருகின்றது.

5. சவூதி அரேபியா தனதாட்சியை மனிதச் சட்டங்களைக்கொண்டும், ஷரீஆச் சட்டங்களைக்கொண்டும் தொகுக்கப்பட்ட ஒருவகையான கலவையைக் கொண்டு மேற்கொண்டு வருகிறது. சவூதியின் அரசியலமைப்பு தொடர்பான அரபு நூலொன்றிலே நூலாசிரியர் இந்த பித்தலாட்டம் தொடர்பாக இவ்வாறு விபரிக்கிறார். “ சட்டம்(கானூன்) அல்லது சட்டவாக்கம்(தஸ்ரீஃ) போன்ற பதங்கள் இஸ்லாமிய ஷரீஆவிலிருந்து பெறப்பட்ட சட்டங்களுக்கு மாத்திரம்தான் பிரயோகிக்கப்படுகின்றன. மனிதச்சட்டங்களால் தீர்மானிக்கப்படும் முறைமைகள்(அன்திமாஹ்) அல்லது அறிவுறுத்தல்கள்(தஃலீமாத்) அல்லது அரசாணைகள்(அவாமிர்) போன்றவற்றிற்கு அப்பதங்கள் பிரயோகிக்கப்படுவதில்லை...”.

6. சவூதியில் காணப்படும் சமய கட்டமைப்புக்கள் அனைத்தும் சவூதி முடியாட்சிக்கு நியாயாதிக்கத்தைப் பெற்றுக்கொடுப்பதற்காகவும், அதன் முடிவுகளை நியாயப்படுத்துவதற்காகவுமே இயங்குகின்றன. வஹ்ஹாபி மத்ஹபின் ஸ்தாபகா,; பதின்னெட்டாம் நூற்றாண்டு அறிஞர் முஹம்மத் இப்னு அப்துல் வஹ்ஹாபின் வழித்தோன்றல்கள் சவூதி மன்னர் பரம்பரைக்கு தமது பூரண ஆதரவை வழங்கி வருவதன் ஊடாக சவூதி மன்னராட்சியை சட்டபூர்வமாக்குகின்றனர். அதியுயர் ஆன்மீகத் தலைமைப்பதவிகள் சவூதின் குடும்பத்துடன் மிக நெருங்கிய தொடர்புடைய, பெரும்பாலும் திருமண பந்தங்களினூடாக தொடர்புபட்; நபர்களுக்கே வழங்கப்படுகின்றன. இவ்வாறு உயர் பதவிகளில் அமர்த்தப்பட்ட அறிஞர்கள் உலகின் பல பாகங்களில் மஸ்ஜித்களை நிறுவுதல் போன்ற செய்கைகளை மேற்கோள் காட்டி சவூதியை இஸ்லாத்தின் காவலனாக சித்தரிக்கும் பணியை கச்சிதமாக செய்து வருகின்றனர். சில பொழுதுகளில் அரச குடும்பம் கடைப்பிடிக்கும் சில கொள்கைகள் தொடர்பாக மக்களிடமிருந்து எழும் நியாயமான அதிருப்த்திகளை இந்த செஞ்சோற்றுக்கடன் தீர்க்கும் அறிஞர்களே தமது பத்வாக்களைக் கொண்டு சாந்தப்படுத்துகின்றனர். சவூதியின் உயர் முப்தி அரபுலகெங்கும் புரட்சிகள் வெடித்த காலகட்டத்தில் எதிர்ப்பு மனுக்களுக்கும், ஆர்ப்பாட்டங்களுக்கும் எதிராக பத்வா வழங்கியமையும் இந்தத் தரத்தில்தான் சாரும்.

7. சவூதி நீதித்துறை நீண்டகாலமாக சந்தேகத்திற்குரியதாகவே தொழிற்பட்டுவருகிறது. அது முரண்பாடுகள் நிறைந்ததும் சவூத் குடும்பத்தின் மன்னராட்சிக்கு எதிராகத் தோன்றும் எதிர்ப்பலைகளை இரும்புக்கரம் கொண்டு ஒடுக்கவுமே பயன்பட்டு வந்துள்ளது. அங்கே நிறைவேற்றப்பட்ட மரணதண்டனைகளில் பாதிக்கும் மேலானவைகளை மிக குறுகலான சட்டவுரிமையைப்பெற்றுள்ள பிற நாட்டுக் குடியேறிகளுக்கு எதிராகவே நிறைவேற்றப்பட்டுள்ளன. ஒரு குடியேறி ஒரு குற்றச்செயலுக்காக சந்தேகிக்கப்பட்டவுடனேயே அவர் ஆரம்பத்திலிருந்தே தவறாக நடத்தப்படுவதுடன் இறுதியாக சட்டத்தின் பிடியிலும் மோசமாக கையாளப்படுகிறார். அவர்களுக்கு இருக்கின்ற குறுகலான சட்ட உரிமைகள் காரணமாக தம்மை நீதியின் முன் முறையாக பிரதிநிதித்துவப்படுத்த முடியாத நிலையை குடியேறிகள் சந்திக்கின்றனர். போதுமான சட்ட உதவிகள் பெறமுடியாத நிலையில் நியாயப்படுத்த முடியாத குற்றத்தின் உண்மை நிலைக்கு சமமற்ற தண்டனைகளால் குடியேறிகள் பலர் மிகக்கடுமையாகத் தண்டிக்கப்பட்டுள்ளனர். இவ்வாறு பல நீதிமன்றத் தீர்ப்புகள் சந்தேகத்திற்குரியவை. கடந்த வருடம் மார்ச் மாதம் 19 வயதே நிரம்பிய ஒரு இளம் யுவதி வன்மையான கூட்டுப்பலாத்காரத்திற்கு உட்படுத்தப்பட்டபோது அந்தப்பெண்ணுக்கே 200 கசையடிகளும், ஆறு மாத சிறைவாசமும் விதித்த சவூதி நீதிமன்றம் அதற்கான காரணமாக அந்தப்பெண் மஹ்ரமான ஆண் துணையின்றி இருந்ததற்கான தண்டனையே இது என்று தீர்ப்பளித்தமை இதற்கொரு உதாரணம். அதே சவூதி அரேபியா மஹ்ரமின்றிய நிலையில் பல்லாயிரக்கணக்கான வேற்று நாட்டுப் வீட்டுப்பணிப்பெண்களை சவூதிக்குள் அனுமதித்து அவர்கள் சவூதி இல்லங்களில் விதம் விதமாக வதைப்படுவதை சவூதி எந்த முகத்துடன் அனுமதிக்கிறது என்ற கேள்வி இங்கே எழுகிறது அல்லவா?

8. இன்று ஷேய்ஹ் நிம்ரின் மரண தண்டனை குறித்து உலக ஊடகங்கள் அதிகம் பேசுகின்றன. அவர் அரபுலகப் புரட்சிகளைத் தொடர்ந்து 2011 இல் சவூதி இடம்பெற்ற மக்கள் எழுச்சி ஆர்ப்பாட்டத்திற்கு நேரடியாக ஆதரவு தெரிவித்தவர். மக்கள் நல புரக்கணிப்புகள், ஒடுக்குமுறைகள், தெளிவான பாரபட்சங்கள் என்பவற்றின் விளைவால் எழுந்த மக்களின் அபிலாசைகளுக்கான கோரிக்கைகளாக இந்த ஆர்ப்பாட்டங்களை சிறிதளவு கூட கண்டுகொள்ளாமல் ரெஹ்ரானிலிருந்து இயக்கப்பட்ட சதிவேலை என்று அதனை முழுமையாக மூடிமறைத்து ஷியா-சுன்னி குறுங்குழுவாத முரண்பாட்டை முன்வைத்து அதனை அடக்கியது சவூதி. சோம்பேறித்தனமான ஊடகவியலாளர்களும் உண்மை நிலைபற்றியும் மக்கள் கோரிக்கைகளின் பல்பரிமாணங்கள் பற்றியும் கருத்திற்கொள்ளாது வெறும் ஷியா-சுன்னி குறுங்குழுவாதத்தை அடிப்படையாக வைத்தே இது குறித்து அதிகம் எழுதினார்கள். இஸ்லாத்தை முரண்பாடுகளும், உரசல்களும் நிறைந்த ஒன்றாக சித்தரித்து, ஓர் உம்மத் என்ற கோட்பாட்டை கொச்சைப்படுத்தி, அதனூடாக மதஒதுக்கல் சிந்தனையும், மேற்குலக தலையீட்டையும் நியாயப்படுத்தும் சிலரின் நிகழ்ச்சி நிரலும் இதன் பின்னால் இருக்கின்றது.

9. அல் கையிதா உறுப்பினர்கள், மற்றும் அரசுக்கெதிராக சதி செய்தவர்கள் என்ற குற்றச்சாட்டின் பேரிலேயே மரண தண்டனை விதிக்கப்பட்டவர்களில் பெரும்பாலானோர் தண்டிக்கப்பட்டனர். ஆனால் அதே சவூதிதான் அல்கையிதா மற்றும் ஏனைய பல ஜிஹாதிய குழுக்களுடன் மிகவும் நெருக்கமான தொடர்பை வைத்திருந்தது. அவற்றை தமது இராஜதந்திர நகர்வுகளுக்காக உருவாக்கியதிலிருந்து ஆயுத உதவி, நதியுதவி போன்ற வளங்களை வழங்கியும் ஒத்துழைத்து வந்தது. வருகிறது. அல்கையிதாவுடன் இணைவதற்காக சென்ற பல இளைஞர்களுக்கு இராணுவப்பயிற்சி வழங்குவதில் சவூதி மிக முக்கிய பங்காற்றியது. ஆனால் ஆப்கான் ஜிஹாதிற்கு பின்னரான காலத்தில் அவ்வாறு சென்ற இளைஞர்கள் சவூதியின் உண்மை நிலையை உணரத்தொடங்கினர். அது வெறுமனவே சவூதியின் தேசியநலனில் மாத்திரம்தான், இன்னும் சொல்லப்போனால் மன்னர் குடும்பத்தின் நலனில் மாத்திரம்தான் அக்கறையுடையது என்ற யாதார்த்தம் அவர்களுக்கு வெளிச்சமானது. மேலும் சவூதி தனது இருப்புக்காக முழுக்க முழுக்க மேற்குலக நலன்களைத் தழுவியே இயங்கி வருகிறது என்ற உண்மை அவர்களுக்கு ஐயமறப் புலப்பட்டது. விளைவு, அவர்கள் சவூதி மன்னராட்சிக்கு எதிராக தமது ஆயுதங்களைத் திருப்பத் தொடங்கி தற்போது வரை அப்போராட்டம் தொடர்ந்து வருகின்றது.

10. சவூதி தன்னகத்தே அதிகளவான கனிய வளங்களையும், இராணுவ வளங்களையும் கொண்டிருந்தாலும் உலகத்தின் அதன் செல்வாக்கு மிகவும் மட்டுப்படுத்தப்பட்டது. அது உலகில் கொண்டுள்ள செல்வாக்கு முஸ்லிம்களின் முக்கிய புனிதஸ்தளங்களான மக்கா-மதீனாவை தனதெல்லைக்குள் வைத்திருக்கிறது என்ற அடையாள ரீதியான செல்வாக்குடன் மட்டுப்படுத்தபட்டது. பிராந்தியத்தைப் பொருத்தவரையில் பலஸ்தீனுக்கான இரு-அரசுத் தீர்வினை முன்வைத்து மேற்கொள்ளப்பட்ட பேச்சுக்களை நடத்துவதில் முன்னின்றமை, அமெரிக்க இராணுவத்தளங்களை அமைக்க தனது எல்லையைத் திறந்து விட்டமை போன்ற ஒரு சிலவற்றைச் சொல்லலாம். சுருங்கக் கூறின் சவூதின் அரச குடும்பத்தினரிடையே அதிகார சமநிலையைப் பேணிக்கொண்டு, மக்கள் மீதும் அவர்களின் முழுமையான வளங்களின் மீதும் உரிமை கொண்டாடிக்கொண்டு, மக்கா-மதீனாவைக் காட்டி உம்மத்தை தொடாந்து ஏமாற்றலாம் என கனவு கண்டுகொண்டு, தனது சொந்த இருப்புக்காக மேற்குலகின் இஸ்லாத்திற்கு எதிரான போராட்டத்தில் கைகோர்த்துக்கொண்டு இயங்குகின்ற மிகக்குறுகிய மனப்பான்மை கொண்ட அரசே சவூதி அரேபியா.

 

 

 
 

துருக்கி, ரஸ்ய விமானத்தை தாக்கயளித்த சம்பவத்திலிருந்து நாம் புரிய வேண்டிய 10 விடயங்கள்

செய்திப்பார்வை 28 நவம்பர் 2015

 

1) இது ரஸ்ய யுத்த விமானத்தை சுட்டு வீழ்த்திய துருக்கிய விமானியின் படம். அவர் ஒரு வீர புருஷன். இதற்கு முன்னமே மாஸ்கோவின் கதவுகளை உரத்துத் தட்டிய உத்மானிய இராணுவத்தின் வழித்தோன்றல் அவர். அவர் இச்செலுக்காக பெருமைப்படவேண்டும்.

2) ரஸ்யா சிரிய முஸ்லிம்களுக்கு எதிரான கொடூர யுத்தத்தில் முன்னணியில் நின்று தாக்குதல் நடாத்தி  நூற்றுக்கணக்கான அப்பாவிகளின் உயிர்களை இதுவரை குடித்திருப்பதால் இந்தச் செய்தி கேட்டு சிரிய முஸ்லிம்களும், உலகின் ஏனைய சொரணையுள்ள முஸ்லிம்களும் ஆறுதல் அடைந்திருப்பார்கள்.

3) இந்தத்தாக்குதல் மிகவும் தாமதமானதும், மட்டுப்படுத்தப்பட்டதும் என்றாலும் முஸ்லிம்கள் நீண்ட நாட்களாய் எதிர்பார்த்து நின்ற போற்றுதலுக்குரிய செயலாகும். இத்தாக்குதல்; கடந்த ஒரு நூற்றாண்டுக்கும் மேலாக எமது கண்ணியத்தையும், சுயமரியாதையையும் இழந்து நிற்கும் எமக்கு எமது புகழ்பெற்ற வரலாற்றை கண் முன்னே கொண்டுவந்து ஆறுதல் அளிக்கின்றது.

4) உத்மானியர்களின் தமது வரலாற்றில் எதனைச்செய்தார்களோ, தமது வீர வரலாற்றுடன் எதனை இணைத்துக்கொள்ள விரும்ப மாட்டார்களோ அந்த அளவீட்டின் படி இந்த சம்பவத்தை அளந்து பார்த்தால்; யார் தன்னை உத்மானிய கிலாஃபத்தின் உண்மையான வழித்தோன்றலாக கருதுகிறார்களோ அவர்களில் ஒருவனின் செயற்பாடாகவே இந்தத்தாக்குதல் கருதப்பட வேண்டுமெயொழிய இன்றைய சடவாத துருக்கியின் ஒரு விதி விலக்கான செயலாகப் பார்க்கப்படக்கூடாது.

5) ரஸ்ய விமானத்தை குறிவைத்து தனது ரிகரை அழுத்திய துருக்கிய விமானி தனது செயலுக்காக மிகுந்த உவகை கொண்டிருப்பார் என்பதில் சந்தேகமில்லை. இந்த மனோநிலைக்கும் முஸ்லிம் உலகிலுள்ள பெரும்பாலான முஸ்லிம் இராணுவ வீரர்களின் உணர்வுகளுக்கும் இடையில் எந்தவொரு வேறுபாடும் இல்லை என்பதை இந்த இடத்தில் நாம் மறந்துவிடலாகாது.

6) எதிரிக்கு எதிராக எமது சிப்பாய்களின் ரிகர் அழுத்தப்படுவதற்கு மேலிடத்திலிருந்து வரும் ஒரு கட்டளை மாத்திரம் போதுமானது என்பதையே இந்த சம்பவம் எமக்கு திரும்பவும் ஞாபகமூட்டுகிறது. எனவே எமது அடிப்படை பலகீனம் என்பது துணிச்சலான அரசியல் தீர்மானமின்மை என்பதேயொழிய அது இராணுவ வளம் தொடர்பானதாகவோ, மோசடியான இராணுவம் தொடர்பானதாகவோ எப்போதும் இருந்ததில்லை.

7) ஒரு பேச்சுக்கு துருக்கிய வான்வெளிக்குள் இந்த ரஸ்ய விமானம் அத்துமீறாதிருந்து துருக்கியிலிருந்து சில மைல்களுக்கு அப்பால் சிரியாவின் வான்வரப்பில் முஸ்லிம்களை பலியெடுப்பதில் ஈடுபட்டிருந்தால், துருக்கி அந்த விமானத்தை தாக்கி அழித்திருக்குமா? சிரியாவில் சிந்தப்படும் முஸ்லிமின் இரத்தத்தைப் பாதுகாப்பது துருக்கியின் வான் எல்லையைப் பாதுகாப்பதை விட மகத்தானது என்பதில் எந்தவொரு முஸ்லிமுக்கும் மாற்றுக்கருத்து இருக்க முடியுமா?அதற்காகத்தானே துருக்கி களமிறங்கியிருக்க வேண்டும்? உண்மையில் அதைத்தானே இஸ்லாம் அதன் மீது கடமையாக்கியிருக்கிறது? அது கஷ்டமான செயலா? என்று கேட்டால், பதில் 'கஷ்டமானதுதான்'.  ஆனால் முடியாத காரியமா? என்று கேட்டால் பதில் 'இல்லை' என்று தயங்காமல் கூறலாம்.

வரலாற்றின் முக்கிய திருப்பு முனைகள் அரிதாகவே வந்துபோகும். இது அப்படியான ஒரு திருப்பு முனை. பிராந்தியம் அதியுச்ச நிலையில் கொந்தளித்துக் கொண்டிருக்கிறது. உலகளாவிய மற்றும் பிராந்திய சக்திகள் முஸ்லிம் உலகில்(அது துருக்கிக்கும் பொருந்தும்) ஒரு முடிவு கண்டுதான் தீருவோம் என்று களமிறங்கியிருக்கின்றபோது களத்தில் துருக்கியின் விவேகமான முடிவே அதன் எதிர்காலத்தை தீர்மானிக்கும்.

8) நவ காலணித்து வேட்டையிலிருந்து துருக்கி தப்பித்துவிடலாம் என்று பகற்கனவு காணுகிறதா? குப்பார்களும், பிராந்திய சக்திகளும் இஸ்லாமிய மறுமலர்ச்சிக்கான பொறி பற்றக்கூடும் என எதிர்பார்க்கின்ற இந்தவொரு நிலத்தையும் விட்டுவைக்கப்போவதில்லை. இதனைப்புரிந்து கொள்ள துருக்கிய தலைமைகள் பெரிதாக சிரமப்பட வேண்டியதில்லை. வெறுமனவே ஈராக்கின் இன்றைய நிலையை பார்த்தால் போதுமானது. எனவே துருக்கி தனது கடப்பாட்டை புரிந்துணர்ந்து உண்மையான சவால்களை முகம் கொடுப்பதற்கு தன்னை தயார்படுத்திக் கொள்ளவேண்டும்.  இன்று அதனைச் செய்வதற்கு தயங்கினால் நாளை அதன்மீது சாபக்கேட்டின் மேகங்கள் சூழ்ந்து கொள்வதை தடுக்க முடியாது போய்விடலாம்.

9) இன்று சிரியாவிலே முஸ்லிம்களின் அழுகுரல் வானத்தை பிளக்கிறது. அவர்களின் குருதி ஆறாகப் பாய்கிறது. மேலும் இதையொத்த வேதனையிலும், சோதனையிலும் பலஸ்தீனிலும், ஈராக்கிலும், செச்னியாவிலும், காஸ்மீரிலும், பர்மாவிலும் எமது உம்மத் நீண்ட காலமாகத் தவிக்கிறது. இந்நிலையில் அல்லாஹ்(சுபு) உதவி மந்திரத்தால் மலரப்போவதில்லை. மாறாக அல்லாஹ்(சுபு) எம்முள்ளிருக்கும் துணிச்சலும், வாய்மையும், தக்வாவுமுள்ள தலைமைகளின் கரங்களாலேயே அந்த வெற்றியை  கொண்டு வருவான்.

முஸ்லிம்கள் அவரில் தேவையுடையவராக இருக்கின்ற நிலையில் எந்தவொரு தலைவர் முஸ்லிம்களை தவிப்பில் விட்டு விடுகின்றாரோ அவரை அல்லாஹ(சுபு) தவிப்பில் விட்டு விடுவான் என்பதை எமது மார்க்கம் திட்டவட்டமாகச் சுட்டிக்காட்டுகிறது. அல்லாஹ்வின் தூதர் (ஸல்) இது குறித்து பின்வரும் நபிமொழியில் தீர்க்கமாகச் சொன்னார்கள்.

“ஒரு மனிதனின்(முஸ்லிமின்) மரியாதைக்கு பங்கம் விளைவிக்கப்படுகின்ற இடத்தில் அல்லது அவனது கண்ணியம் களங்கப்படுத்தப்படுகின்ற இடத்தில் அந்த மனிதனை(முஸ்லிமை) கைவிடும் ஒருவருக்கு, அல்லாஹ்வின் உதவியை அவர் அதிகம் நாடுகின்ற சந்தர்ப்பத்தில் அல்லாஹ் அவரை கைவிடாமல் இருக்க மாட்டான். ஒரு மனிதனின் மரியாதைக்கு பங்கம் விளைவிக்கப்படுகின்ற இடத்தில் அல்லது அவனது கண்ணியம் களங்கப்படுத்தப்படுகின்ற இடத்தில் அந்த மனிதனுக்கு உதவும் ஒருவருக்கு, அல்லாஹ்வின் உதவியை அவர் அதிகம் நாடுகின்ற சந்தர்ப்பத்தில் அல்லாஹ் உதவாமல் இருக்க மாட்டான்.” (அபுதாவூத்)

10) இந்த தாக்கியளிப்பு சம்பவத்தை துருக்கி தன்னிச்சையாக செய்திருந்தாலும் சரி, அல்லது அமெரிக்கா துருக்கியினூடாக ரஸ்யாவுக்கு ஒரு செய்தியை அனுப்புவதற்காக இது இடம்பெற்றிருந்தாலும் சரி அல்லது துருக்கிய அரசியற் தலைமையின் உத்தரவே இல்லாமல் இராணுவத்தின் ஒரு சில ஜெனரல்களின் சொந்த முடிவாக இருந்தாலும் சரி உண்மை எதுவென காலம் விரைவில் பதில் சொல்லும். எனினும் அதனது எதிர்காலத்தில் துருக்கிக்கு உண்மையான அக்கறை இருந்தால் ஒரு அடிப்படை கேள்விக்கு அது தீர்க்கமாக பதில் தேட வேண்டும்.

மேற்குலக சக்திகளின் நலன்களுக்காக தன்னை தாரைவார்த்து, கைமாறாக சில குறுகிய நலன்களை பெற்றுக்கொள்கின்ற பாதையிலேயே துருக்கி தொடர்ந்து பயணிக்கப்போகிறதா? அல்லது யாரெல்லாம் இஸ்லாத்திற்கும், முஸ்லிம்களுக்கும் எதிராக அணிதிரட்டு நிற்கிறார்களோ அவர்களுக்கு எதிராக முஸ்லிம் உம்மத்துடன் கைகோர்த்து முன்னேறப்போகிறதா? அவ்வாறு செய்வதன் ஊடாக பல மில்லியன் கணக்கான மக்கள்  அதன் பின்னால் அணிதிரள மீண்டும் முஹம்மத் அல் பாதிஹ், சுலைமான் அல் காநூனி, இரண்டாம் சுல்தான் அப்துல் ஹமீத் போன்ற மாபெரும் கலீஃபாக்களின் வரலாற்றை உயிர்ப்பிக்கப்போகிறதா? இந்தக் கேள்விக்கான நேர்மையான பதிலிலேயே உண்மையான துருக்கியின் எதிர்காலம் தங்கியிருக்கிறது என்பதை தூரநோக்குள்ள ஒரு முஸ்லிம் தலைவர் துல்லியமாகப் புரிந்து கொள்வார்!

யா அல்லாஹ்! ரஸ்ய விமானத்தை சுட்டு வீழ்த்திய அந்த முஸ்லிம் விமானியின் கரங்களுக்கு அருள்பாலிப்பாயாக! மேலும் துருக்கியினூடாக இஸ்லாத்திற்கு கண்ணியத்தையும், வெற்றியையும் தந்தருள்வாயாக!

 
 

ஐக்கிய நாடுகள் சபையின் சர்வதேச சிறுவர் தினச் செய்தி அவமதிப்பானது!

செய்திப்பார்வை 26 நவம்பர் 2015

 

ஐக்கிய நாடுகள் சபையின் பொதுச்செயலாளர் பான் கீ மூன் சர்வதேச சிறுவர் தினத்தை முன்னிட்டு ஒரு சில நாட்களுக்கு முன்னால் வெளியிட்டுள்ள செய்தியில்

 
 

பக்கம் 4 / 6